Türkiyədən kosmetika sifarişi üçün onlayn alış-veriş saytları
Günümüzdə tələbatın böyük hissəsi, onlayn sifarişlərin payına düşür. İstifadə etdiyimiz demək olar ki, bütün əşyaları onlayn qaydada sifariş edirik. Bu tələbatla birlikdə, sifariş edə biləcəyimiz saytların çoxluğu fikir qarışıqlığına səbəb ola bilər.
Sifariş edərkən, ilk öncə diqqət yetirdiyimiz nüans məhsulun kəmiyyəti və keyfiyyətidir. Bəzən kəmiyyətə önəm verərək, keyfiyyəti nəzərimizdən çıxarırıq. Lakin, bu da sonda uğursuz alış-verişə və məmnuniyyətsizliyə gətirib çıxarır.
Onlayn alış-verişdə isə bütün məhsullar göz önündə olduğundan istədiyiniz məhsulu rahatlıqla araşdıraraq, sonda hər hansısa bir qənaətə gələ bilirsiniz. Bu zaman istədiyiniz kəmiyyətdə və keyfiyyətdə olan məhsulları rahatlıqla əldə etmək mümkün olur.
Son dövrlərdə, Trendyoldan sifarişlərin verilməsində yüksək tələbatın olduğunu hamımız bilirik. Lakin, onlayn sifarişlər üçün kifayət qədər çox digər saytlar da mövcuddur.
Bu bloqumuzda, kosmetika məhsulları üçün sifariş edə biləcəyiniz saytlar haqqında danışacağıq.
Kosmetika məhsulları, qadınların gözəlliyinə daha da gözəllik qatan önəmli faktorlardan biridir. Günümüzdə dünya qadınlarının 50%-i kosmetika məhsullarından istifadə edir. Bununla birlikdə, dünyada bir çox kosmetika markaları yaranıb və yaranmağa da davam edir.
Qadınlar hər şeyin ən yaxşısına layiq olduqları kimi, kosmetika məhsullarının da ən keyfiyyətli və ən gözəlinə layiqdirlər.
Gəlin sizinlə keyfiyyət və gözəllik baxımından seçilən Gratis, Sephora, Watsons və Hepsiburada markaları haqqında danışaq.
Gratis
Uyğun qiymətli və keyfiyyətli bir marka deyildiyi zaman, ağıla ilk gələn marka Gratisdir. 2009-cu ildən günümüzə qədər fəaliyyətdə olan bu marka, hər zaman müştəri məmnuniyyətinə önəm vermiş və insanların rəğbətini qazanmışdır. Günümüzdə də, onlayn alış-verişin ayrılmaz parçası olan Gratis markasının, rəsmi saytı da mövcuddur. Hansı ki, bu sayta daxil olaraq istədiyiniz məhsulu rahatlıqla araşdıra və sifariş edə bilərsiniz. Uyğun qiymətləri baxımından insanların diqqətini cəlb etmiş olan Gratis, saytında da bunu kateqoriyalara bölərək sektora yenilik gətirmişdir. Belə ki, siz ən aşağı büdcə (10 TL və daha aşağı) ilə belə, kosmetika məhsullarını sifariş edə bilərsiniz. Həmçinin, gündəlik, aylıq, bayramlara və s. özəl olan endirimlərdən də yararlana bilərsiniz. Bu nüansı da qeyd etmək lazımdır ki, Gratisdən sadəcə kostemika məhsulları deyil, digər baxım, təmizlik, ev-tekstil, aksesuar və s. kimi məhsulları da əldə edə bilərsiniz.
Sephora
Dünya üzərində mövcud olan A-dan Z-ə qədər bütün markalar Sephorada cəmlənir. Bu səbəbdən də, hər büdcəyə və zövqə uyğun məhsulları burada tapmaq mümkündür. Bu marka sayəsində axtardığınız məhsulları isə tapmamaq kimi bir seçim yoxdur. Burada kosmetika məhsullarından savayı, yüzlərlə baxım, duş, aksesuar, ətir, saç və s. kimi vasitələr də mövcuddur. İnsanların çoxu, ətirlərin sifarişi üçün bu markanı seçirlər.
Watsons
Kosmetika vasitələrinin sifarişində ən öndə gedən qlobal markalardan biridir. Belə ki, 1841- ci ildə Hong Kongda qurulan Watsons sağlam yaşam, qadın və kişi baxım məhsulları, elektronik cihaz, supermarket və s. kimi satışları da həyata keçirir. Watsonsun 14 fevrala özəl endirim kampaniyalarından siz də yararlanmağa tələsin.
Hepsiburada
Əgər siz sırf onlayn olaraq fəaliyyət göstərən bir şirkət axtarırsınızsa, elə isə, bu marka məhz sizin üçündür. Hepsiburada markası, 1998-ci ildən günümüzə qədər, internet üzərindən öz fəaliyyətini uğurla davam etdirir. Müştərilərinə elektronika, ev-tekstil, kosmetika, geyim, ərzaq, kitab, idman və s. kimi məhsulları təqdim edən bu marka, ən çox sifariş alan markalardan biridir. Həmçinin, artıq Türkiyədə olmayan məhsulların belə satışını təmin edir. Qarşıdan gələn, 14 fevral Sevgililər Günündə özəl hədiyyələr almaq fikrindəsinizsə, Super Fürsət kampaniyasını qaçırmayın.
