Alış-veriş zamanı edilən endirimlərin hər kəsi çox sevindirdiyini desək, yalan olmaz.  Bu, onlayn alış-veriş saytlarından etdiyimiz sifarişlərdə olan endirimlərə də şamil olunur. Günümüzdə insanların əksəriyyəti demək olar, onlayn məhsul alışına daha çox üstünlük verirlər. Nəticə etibarı ilə də endirimlər necə deyərlər, hər kəsin alış-veriş xilaskarına çevrilir.

    Müasir dövrümüzün olmazsa, olmaz vərdişlərindən biri olan onlayn alış-verişin ölkəmizdə də geniş yayıldığını bilirik. İnsanlar Amerika və Türkiyədən onlayn qaydada geyim, ev üçün dekor, telefon aksesuarı, kitab, qab-qacaq kimi əşyalar sifariş edirlər. Bu kimi əşyaları alarkən təbii ki, endirimlərə təsadüf etmək hamını çox xoşbəxt edir. Xüsusilə də Amerikanın onlayn alış-veriş saytlarında endirimlər varsa, xoşbəxtlik ikiqat artır. Çünki dolların bahalaşmasına baxmayaraq müxtəlif zamanlarda olan endirimlərdən həqiqətən sərfəli qiymətlərlə alış-veriş etməyin hələ də mümkündür.

   Amerikanın demək olar ki, bütün alış-veriş saytlarında il boyu endirimlər bir-birinin ardınca olur. Belə ki, hər aya təsadüf edən beynəlxalq və ya ümumdünya bayram günləri, xüsusi günlər olduqda endirimlər həmin gündən bir həftə əvvəl başlayır və çox vaxt növbəti həftəyə qədər uzana bilir. Ən böyük endirimlərin olduğu vaxt isə  “Thanksgiving” (Şükran Günü) günündə sonrakı məşhur “Black Friday” (Qara Cümə) günüdür. Bu gün elə məşhurlaşıb ki, artıq bir çox mağazalar cümə gününü gözləmədən cümə axşamından endirimlərə başlayırlar.

   Belə endirimli vaxtlardan biri də sentyabr ayının 5-ində qeyd olunan “Labor Day”ə (Əmək bayramı) təsadüf edir. Bu zaman Amerikanın “Amazon”, “Walmart”, “eBay”, “Best Buy”, “Zappos”, “Guess” və s. kimi tanınmış alış-veriş saytlarında olan endirimlər öz müştərilərinin yolunu gözləyir.

    Aylara görə Amerikada endirimə girən məhsulların siyahısı:

Yanvar ayı – Qış paltarları, çoxdan stokda olan mebellər, motosiklet və idman geyimləri;

Fevral ayı – Qış üçün geyim və aksesuarlar, TV və kameralar;

Mart ayı – Çamadan və qış üçün idman geyimləri;

Aprel ayı – Kosmetik məhsullar və idman ayaqqabıları;

May ayı – Kamp üçün əşyalar, yaz geyim və aksesuarları, yataq dəstləri;

İyun ayı – Ev üçün dekorativ əşyalar, qadın alt paltarları;

İyul ayı – Çimərlik geyimləri, yay paltarları, dərs sezonuna az qaldığı üçün məktəbli ləvazimatları;

Avqust – Kompüter, məktəb və ofis ləvazimatları;

Sentyabr – Modası keçmiş bəyaz mətbəx əşyaları;

Oktyabr – cins şalvarlar;

Noyabr -  “Hallowen” kostyumları, aysonu “Thanksgiving” endirimləri;

Dekabr – Qış üçün olan məhsullar, gödəkcə və kurtkalar.

Qeyd edək ki, “Christmas”dan sonra, əsasən də 26 dekabr – 15 yanvar aralığında böyük endirimlər olur.

   Amerikadan Azərbaycana sürətli və sərfəli çatdırılma “Zamex”də!

Dəyərli müştərilərimiz, ilin istənilən vaxtı bütün bu qeyd olunan endirimlərdən “Zamex” vasitəsilə yararlana bilərsiniz. Hər həftənin cümə günü Amerikadan bağlamaların Azərbaycana çatdırılması həyata keçirilir. Bundan əlavə, ölkə üzrə ən sərfəli Amerika tarifləri yalnız “Zamex”dədir. Siz də elə indi Zamex.az saytından və ya mobil tətbiqimizdə qeydiyyatdan keçin, sərfəli alış-verişlərinizin dadını çıxarın!